پاکستان کرکٹ بورڈ نے مصباح الحق کو ہیڈ کوچ بنانے کا فیصلہ کر لیا، اس سے قبل انھیں 22 اگست سے 7 ستمبر تک لاہور کی نیشنل کرکٹ اکیڈمی میں لگائے جانے والے پری سیزن ٹریننگ کیمپ کے لیے کمانڈنٹ بھی مقرر کیا گیا ہے۔
کرکٹ بورڈ مصباح کو چیف سلیکٹر کی ذمہ داریاں بھی دینے کا خواہشمند ہے تاہم سابق کپتان نے ہیڈ کوچ کے ساتھ چیف سلیکٹر بننے کی حامی نہیں بھری، پی سی بی نے چیف سلیکٹر کیلئے راشد لطیف کو دوسری آپشن کے طور پر رکھا ہے۔
