چودھری شوگر ملز کیس میں مریم نواز اور یوسف عباس کو 12 روزہ جسمانی ریمانڈ ختم ہونے کے بعد احتساب عدالت پیش کر دیا گیا۔
احتساب عدالت کے ڈیوٹی جج نعیم ارشد کیس کی سماعت کر رہے ہیں۔ مریم نواز کے خلاف نیب ٹیم اب تک کی تفتیشی رپورٹ عدالت میں پیش کرے گی۔ ذرائع کے مطابق مریم نواز سے دوران تفتیش متعدد سوالات کئے کسی کا جواب نہ ملا، ان سے پوچھا گیا کہ پیسے آپ کے اکاؤنٹ میں کیوں آئے ؟ مریم نواز نے جواب دینے کے بجائے کہ دیا کہ مجھے کچھ معلوم نہیں، انہوں نے چوہدری شوگر ملز کے شیئر منتقل ہونے کے بارے کچھ نہیں بتایا، مریم نواز سے مزید تحقیقات کے لئے نیب کی جانب سے 15 روزہ جسمانی ریمانڈ کی استدعا کی جائے گی۔
ادھر احتساب عدالت نے حمزہ شہباز اور سلمان شہباز کے مبینہ فرنٹ مین آفتاب محمود، قاسم قیوم اور فضل داد کے جوڈیشل ریمانڈ میں 14 روز کی توسیع کر دی، احتساب عدالت نے انہیں 3 ستمبر کو دوبارہ پیش کرنے کا حکم دیا ہے۔
